បច្ចុប្បន្ន គេបានមើលឃើញ និងតែងនិយាយគ្រប់គ្នាពីមាត់មួយទៅមាត់មួយថា យុវជន យុវនារី រួមទាំងមជ្ឈិមវ័យផងដែរ ដែលស្ថិតនៅក្នុងវ័យបំរើការងារផ្សេងៗ តែងតែចូលចិត្ដប្រារព្វពិធីជប់លៀងផ្សេងៗ ដើម្បីជាការជួបជុំគ្នា ជាពិសេសឆ្លៀតក្នុងឱកាសនោះ គេតែងមានមានការពិសារស្រា ឬស្រាបៀរ មិនដែលខានឡើយ។ តើហេតុអ្វីបានជាគេចូលចិត្ដ និងត្រូវចេះពិសារស្រា? សំណួរនេះ ត្រូវបានឆ្លើយផ្សេងៗគ្នា ពីសំណាក់យុវវ័យ និងមជ្ឈិមវ័យ។
សំរាប់យុវវ័យ គេបានឆ្លើយថា ពួកគេចូលចិត្ដជួបជុំមិត្ដ ញាំអីជុំគ្នា ពិសារស្រា ពីព្រោះពួកគេចូលចិត្ដភាពសប្បាយរីករាយ បន្ទាប់ពីពេលទំនេរពីការសិក្សា ឬការងារ ហើយក៏ដើម្បីបង្ហាញពីភាពហ៊ឺហារទាន់សម័យរបស់ពួកគេ។ ចំណែករូបភាពការជួបជុំពិសារស្រាសម្រាប់មជ្ឈិមវ័យវិញ គឺមានភាពខុសប្លែកបន្ដិចពីយុវវ័យ ត្រង់ថា ពួកគេយល់ឃើញថា មានមានការពឹងពាក់ពំនាក់អាស្រ័យគ្នា យើ់ងត្រូវអញ្ចើញគេមកពិសារស្រាទើបមានភាពងាយស្រួលទំនាក់ទំនង ហើយនៅពេលដែលគេជួយយើងបានជោគជ័យហើយនោះ ក៏ត្រូវអញ្ជើញគេពិសារស្រាទៀត ដើម្បីជាការដឹងគុណ និងអបអរសាទរ។
ចំណុចមួយទៀតដែលគេចូលចិត្ដនោះ គឺការពិសារស្រាអោយស្រវឹង គេអាចមើលអត្ដចរិកមនុស្ស ព្រោះមនុស្សនៅពេលពិសារស្រាស្រវឹងខ្លាំង គឺមិនអាចគ្រប់គ្រងស្មារតីខ្លួនបាន នឹងស្ដែងចេញនូវអត្ដរិកដើមរបស់គេ ឬនិយាយរៀបរាប់ពីភាពស្មោះត្រង់រវាងគ្នា និងគ្នា។ ទាក់ទងនឹងការពិសារស្រានេះផងដែរ សុភាសិតជប៉ុនមួយ បានលើកឡើងថា «កែវទី១ មនុស្សផឹកស្រា កែវទី២ ស្រាផឹកមនុស្ស ហើយកែវទី៣ ស្រាផឹកស្រា»៕
ប្រភព- http://socialnews.com.kh//main/detail/5181.htm
No comments:
Post a Comment